ಇದು ಎಳೆ ಎಳೆಯಲ್ಲು ನೆಲೆಸಿರೊ ಹಸಿರು.... (Akasha Bhumiya Mdilalli) Neenello Naanlle

ಆಕಾಶ ಭೂಮಿಯ ಮಡಿಲಲ್ಲಿ ಬೆಳೆದಂತ 

ಮುದ್ದಾದ ಮಗುವೆನೆ ಈ ಪ್ರೀತಿ

ಎಲ್ಲರ ಹೃದಯದಲಿ ಅರಳುತ್ತಾ ನಲಿಯುತ್ತಾ

ತಂಪೆರೆವ ತಂಗಾಳಿ ಈ ಪ್ರೀತಿ

ಇದು ಎಳೆ ಎಳೆಯಲ್ಲು ನೆಲೆಸಿರೊ ಹಸಿರು

ಎದೆ ಎದೆಯಲ್ಲು ಕಲೆತಿರೊ ಉಸಿರು

ಮನಗಳ ನಡುವಿನ ಸೆತುವೆ ಈ ಪ್ರೀತಿ

ಪ್ರೀತಿಯ ಭಾವಗಳೇನೆ

ಭೂಮಿಯ ಮೇಲಿನ ಬಣ್ಣಗಳು

ಪ್ರೀತಿನೆ ಇಲ್ಲದೆ ಹೋದರೆ ಬಣ್ಣಗಳೆಲ್ಲುಂಟು

ಪ್ರೀತಿಯ ರೂಪವೆ ತಾನೆ

ಎಲ್ಲೆಡೆ ಚೆಲ್ಲಿರೊ ಚೆಲುವುಗಳು

ಪ್ರೀತಿನೆ ಇಲ್ಲದೆ ಹೋದರೆ ಚೆಲುವಿನ್ನೆಲ್ಲುಂಟು

ಗಾಳಿ ಎಲ್ಲರುಸಿರಾಗಿ

ಈ ನಮ್ಮ ಭೂಮಿ ಮೇಲೆ ಬೀಸೊ ಕಾರಣ ಪ್ರೀತಿನೆ

ನೀರು ಜೀವ ಜಲವಾಗಿ

ಈ ಎಲ್ಲಾ ಜೀವ ಜಲ ಕಾಯೊ ಕಾರಣ ಪ್ರೀತಿನೆ

ಬಾಳೊಂದು ಹುಡುಗಾಟ ಅಂದಾಗ

ನಾವೆಲ್ಲ ನಿತ್ಯಾನು ಹುಡುಕೋದು ಪ್ರೀತಿನೆ

ಪ್ರತಿ ಹೃದಯದ ಹೊಲದಿ ಬೆಳೆಯುವ ಪೈರು

ಹರಿಯವ ತವಕದ ಜೋರು

ಅಡವಿಯ ನಡುವಿನ ಕಲರವ ಈ ಪ್ರೀತಿ

ಅ ಆರು ಋತುಗಳು ಪ್ರೀತಿಯ ಬೇರೆ ಬೇರೆ ಮಜಲುಗಳು

ಪ್ರೀತಿನೆ ಇಲ್ಲದೆ ಹೋದರೆ ಪ್ರಕೃತಿ ಇನ್ನೆಲ್ಲಿ

ಆ ಏಳು ಸ್ವರಗಳು ಪ್ರೀತಿಯ ಮಿಡಿತ ತುಡಿತ ತವಕಗಳು

ಪ್ರೀತಿನೆ ಇಲ್ಲದೆ ಹೋದರೆ ಸಂಗೀತ ಎಲ್ಲಿ

ಮೋಡ ಮೋಡವನು ಕೂಡಿ

ಮಳೆಯ ಸುರಿಸೊದು ಎಂದು ಕಂಡವರ್ಯಾರು ಭೂಮಿಲಿ

ಮನಸು ಮನಸುಗಳ ಸೇರಿ

ಒಲವ ಶುರುವಾಯ್ತುಎಂದು ಬಲ್ಲವರ್ಯಾರು ನಮ್ಮಲ್ಲಿ

ಎಷ್ಟೊಂದು ಕನಸುಗಳು ಪಲ್ಲವಿಸಿ ಖಾತರಿಸಿ

ಈ ಪ್ರೀತಿ ಜನಿಸುವುದು ಎದೆಯಲ್ಲಿ

ಸುಮ ಸುಮಗಳು ಸೂಸೊ

ಘಮ ಘಮ ಗಂಧ

ಕಂದನ ನಗುವಿನ ಕಿಲ ಕಿಲ ನಾದ

ನಮ್ಮಯ ಬದುಕಿನ ಅರ್ಥವೆ ಈ ಪ್ರೀತಿ

ಭೂಮಿನೆ ಭೇದಿಸಿಕೊಂಡು

ಕೋಮಲ ಮೋಳಕೆಯು ಹೊರಬರಲು

ಚೈತನ್ಯ ನೀಡುವಂತ ಮಾಯೆ ಈ ಪ್ರೀತಿನೆ

ಗೊತ್ತೇನೆ ಆಗದ ಹಾಗೆ

ಮೊಗ್ಗನ್ನು ಅರಳಿಸಿ ಹೂವು ಮಾಡೊ

ಯಾರಿಗು ಕಾಣಿಸದಂತ ಆ ಕೈ ಪ್ರೀತಿನೆ